” आली बघा दिवाळी ”
आली बघा दिवाळी
चला जाउ खरेदिला ।
खिशात नाही पैसा
कर्ज काढुया खर्चाला ।
चंपु गंपुला नवा शर्ट
हवी साडी रमीला ।
फाटका शर्ट टाचुन घेउ
चालेल मग दिवाळीला ।
मिठाइ फटाके महाग फार
चिवडाच ठेउ फराळाला ।
पावसान यंदा सार नेल
गवत उरलय उपासाला ।
sanjay R.
" कविता चोर "
आजकालचे चोर भाउ
लयच झाले गा भारी ।
त्यायले कायबीन दिसो
चोराटी त्यायची असते तयारी ।
ढुंडुन ढुंडुन शब्दायले
लिवतो आमी कविता ।
इचीन तं ह्यो खोडुन नाव
दाबते आमाले जीता ।
तोंड दाबुन सहन करतो
यायच्या बुक्क्याचा मार ।
मानतो त्याले आमी मोठा
एफ बी वरचा यार ।
ग्यान सांगते आमालेच
काय झाल घेतलीतं ।
शब्दायले जलम का
तु एकल्यानच देतं ।
लय हायेत मोठ्ठे कवी
थेतं काइ नाइ मनत ।
दोन लायनी लिवुन तु
बसते आमच्यावर जयत ।
सांगु नको कोनाले
हे तुयी हाये कविता ।
पटवाचं हाये मलेबी
लिवतो मी बीन गीता ।
Sanjay Ronghe
Nagpur.
ठेवलं आहे हो
दुध उकळायला ।
थांबायचं आता थोडं
चंद्र दुधात बघायला ।
अम्रुताचा होइल वर्षाव
घेउ मग प्यायला ।
नाही ना धरवत धीर
या सारे भुलाबाइची
गाणी गायला ।
Sanjay R.
काट्यात फुललास
गुलाबाच्या फुला ।
मन घेइ माझे
आनंदाचा झुला ।
Sanjay R.
निरागस चेहरा तुझा
मनास माझ्या भावला ।
नजरेत जादु अशी
बाण ह्रुदयी लावला ।
एक एक शब्द तुझा
कानास माझ्या गावला ।
ओठही झाले आतुर
ओठांनाच प्यायला ।
गालावरची लाली तुझ्या
खुणावते बघ मला ।
केस काळे पुढ्यात आले
मनास माझ्या गुंतायला ।
गुरफटलो मी तुझ्यात आता
सांगु कसा मी कुणाला ।
जाण तु भाव मनाचे
माळ भावनांची ओवायला ।
Sanjay R.
बघुन तुझ्या डोळ्यात
मलाच मी विसरलो ।
ठेउन तुज ह्रुदयात
तुझ्यात मी हरवलो ।
हवे मज क्षण तुझे
कल्पनेत मी विसावलो ।
तु आणी मी सांगतो तुज
अंतरंगात स्थिरावलो ।
Sanjay R.
