करणार किती छळ

सांग करणार किती छळ
मिळेल त्यातून मज बळ ।
विसरलो मी दुःख सारेच
करू मी कशास  हळहळ ।
झाले मनही आता खंबीर
नाही पडणार कुठे वळ ।
बघणार नाही वळून मागे
विचार आहेत आता अढळ ।
Sanjay R.

भविष्य

भविष्यात घडेल काय

आयुष्यात जडेल काय ।

शोधतो हातावरच्या रेषा

त्यावर आहे लिहिले काय ।

जन्माला आलो मी जसा

सांग कसे मानू आभार माय ।

कर्तृत्व करण्या आहेत हात

यश तिथे जिथे पडतील पाय ।

Sanjay R.

माणूस

माणसाच्यानात काय

ओळखणे महाकठीण ।

कधी जळता निखारा

होती कधी तो लिन ।

कळेना केव्हा करेल काय

विचारानेच येतो शीण ।

वाटे कधी  जुनाट  किती

कधी वाटे तोच तर नवीन ।

Sanjay R.

उपेक्षा

ओझे उपेक्षांचे पाठीवर
करतात घाव मनावर ।
अंतरात या जखमा किती
ओघळती आसवे गालावर ।
एकटाच मी भोगतो सारे
मिळेना उपाय जगण्यावर ।
बघतात का  दुरूनच सारे
टाकतो नेऊन हसण्यावर ।
दुःखाला असे कोण सोबती
मग होतो सुखाचा वाटेकरी ।
Sanjay R.

दिसते कुठे काही

बोलू नकोस काही
मज अपेक्षाही नाही ।
अक्षरात शोधतो मी
दिसते कुठे काही ।

भाव तोच मनात
डोळे वाट पाही ।
मन झाले अधीर
शोधतो दिशा दाही ।

पुरे एक इशारा
त्यातच सर्व काही ।
करू नकोस वेळ
अंतराची होते लाही ।
Sanjay R.