हवी श्वासात

स्वप्नांना लावूनी पंख

चल जाऊ गगनात ।

सूर्य गेला आडोश्याला

थोडे हसू चांदण्यात ।

असू दे रात्र ही काळी

काजवेही चमचमतात ।

दरवळ रात राणीचा नी

पारिजात फुलतो मनात ।

कशी बेधुंद ही हवा

जाते सांगून कानात ।

तुझ्या विना नको काही

हवी तू मज श्वासात ।

Sanjay R.

विसर सारे

जा विसर आता सारे

नकोच तू आसवे गाळू ।

रामाचे हे वचन नाही

तेही नकोस तू पाळू ।

ह्रदयही हे माझेच 

सांग मी कशास जाळू ।

विचारांनी बधीर झाला

उघडा बोडखा हा टाळू ।

मोगरा ही सुकून गेला

कसा तो केसात माळू ।

अंतरात न उरले आता

सांग तुलाच का छळू ।

Sanjay R.

स्त्री जन्म

स्त्री जन्म हा मिळावा पुन्हा
की पूर्व जन्माचा हा गुन्हा ।
काळ लोटला वेळ लोटली
परंपरेचा तो पडदा जुना ।

नव्हती तेव्हाही अबला ती
आहेत अजुनी त्यांच्या खुणा ।
कितीक मर्दानी होऊन गेल्या
इतिहास सांगतो पुन्हा पुन्हा ।

जननी भगिनी सहचारी ती
आहे विश्वाचा मुख्य कणा ।
नमन आम्ही तिलाच करतो
तिच्या विना तर आभास सूना ।
Sanjay R.

खरा आनंद

पाहता तुला मी

नकळे मला काही ।

शोधतो तुला मी

उरले कुठे काही ।

हरपले भान आता

धुंद मनात काही ।

कळेना काय ते

मनात काही काही ।

वाटते स्वप्न ते

डोळ्यात झोप नाही ।

अंधार वाटतो बरा

अंतरात बरेच काही ।

Sanjay R.

नोव्हेंबर 2023 कविता प्रकाशित

माझे व्यासपीठ या मुंबई येथून प्रकाशित होणाऱ्या नोव्हेंबर 2023 च्या मासिक अंकात माझी   रोजच इथे दिवाळी कविता प्रकाशित झाली.

संपादकांचे मनापासून आभार.